<$BlogRSDURL$>

7.9.04

|

Jó deeee leeeee híííííííííí 

Jæja vér erum fluttir á síðuna http://www.thewonderland.blogdrive.com þar sem við menntamennirnir, ég og Sverrir "Þór" Unnsteinsson kt.0605803839, lögheimili Berugata 16, 310 Borgarnes, munum blaðra um reynslu okkar af háskólanámi, en ég er í HÍ í viðskiptafræði en Sverrir í kennaranámi við HA. Kíkiði endilega í besög hjá okkur ef að þið eruð ekki á sakaskrá, planið er að ég bloggi einn dag á móti einum hjá Sverri, skammið okkur ef að það stenst ekki... en sverrir hefur riðið(á vaðið).

bless



19.8.04

|

Prisoner nr. 1230 you are free to go in one week  

Það er svo frábært að því að vita að ég á bara eftir fimm vaktir í álverinu áður en að pligt(held að það sé með einföldu) mín er staðinn og ég kemst óskaddaður(líkamlega sem og andlega) frá þessu dæmi öllu saman... Síðasta næturvaktin "ever" í kvöld og ég meina sko á þessari ævi svoldið erfitt að átta sig almennilega á þessu og svo fjórar dagvaktir í næstu viku og þegar af lýkur mun ég hrópa af ánægju þar til brotnar af tindum fjallanna og rennur út í hvalfjörðinn með stóru splassi, ég mun verða sem belja sem hleypt er út eftir veturinn, nei ég mun verða eins og allar beljurnar til samans HAHA. Já einhver myndi segja að ég væri kominn með leið á þessu en álverið hefur annars ekki verið mér slæmt svona almennt séð hefði bara átt að hætta á toppnum t.d. eftir síðasta sumar.

Ég hlakka mikið til að brölta um á menningarnótt og í þetta sinn ætlum við að mæta á skikkanlegum tíma og sjá hitt og þetta í rólegheitum en ekki bara mæta á flugeldasýninguna. Vonandi verða sem flestir skagamenn á menningarnótt, sjáumst þar eldhress í pottþéttu veðri. Maður er orðinn svo góðu vanur
Ég hvet alla til að grilla sem mest og vera í stuttbuxum og chilli á meðan sumarið endist...


18.8.04

|

Sloop John B 

Jæja, var að koma í mömmuhús á skaganum núna eftir fyrstu næturvaktina af þremur, enginn heima... Mamma og systkinin úti á spáni og Theodóra að vinna í bænum. Sef hér eitthvað frameftir hádegi í ró og næði með myrkratjaldið fyrir glugganum svo að það komi enginn birta inn og trufli svefninn ljúfa.

Ég var að spá hvað það er fyndið hvað lífið hjá manni skiptist alltaf niður í tímabil klæðir sig í svona föt, hlustar á hinseginn tónlist, borðar nammi, borðar ekki nammi, stundar íþróttir af kappi, liggur í sófanum og horfir á innihaldsfátækt(öfugt við innihaldsríkt) sjónvarp og borðar óhollan skít, eyðir peningum, sparar peninga, hættir í þessari vinnu, byrjar í annarri ok you get what I´m sayin´. Þegar hlutirnir eru í föstum skorðum þá veitir það öryggi og maður veit hvað skal gert og hvað ekki... talandi um svona tímabil þá er ég að ljúka núna löngu tímabili og byrja á öðru. Er núna að klára á fimmtudag í næstu viku fimmta sumarið mitt í álverinu og það síðasta, er líka fluttur af skaganum og á leið í skóla... Stelpan mín er í námi í bretlandi og fer af landi brott eftir ca. 4 vikur og það er alveg laust við það að vera gaman skal ég segja ykkur að missa besta vin sinn og unnustu í einu... But it´s for the greater good.

Spurningin er alltaf sú sama þegar tekist er á við svona ný tímabil, umhverfi og aðstæður, hvernig mun þetta ganga? Hvernig mun mér vegna? Svarið er..............
Þeir fiska sem róa.. Þeir fiska sem róa

Innblástur þessa bloggs er fenginn úr öllum tölublöðum konuritsins Vikunnar sem er til í allt of miklu magni í álverinu... mannskemmandi helv., einu sinni var bara B&B!!!

13.8.04

|

Garðabærinn blífir 

Ahhhhh annasamir dagar síðustu 20 eða svo, er s.s. fluttur í garðabæinn og leigji þar innréttaðan bílskúr hann er svona herbergi/íbúð eða íbergi eins og ég kýs að kalla þetta. Hér er allt það helsta ískápur, örbylgjuofn, adsl tenging hí hí. Biðst forláts á bloggleysinu en er bara rétt fyrir 2-3 dögum kominn með tölvuna mína enda s.s. ekkert þannig merkilegt verið í gangi. Næsta mál á dagskrá er Háskóli Íslands og ég veit eiginlega ekkert hvernig það dæmi gengur fyrir sig allt saman en "monkey see monkey do" þannig að þetta smellur heim og saman ef að áhuginn er fyrir hendi. Nú held ég bara með stjörnunni en þeir eiga fyrstu deildar lið í körfunni og í fótboltanum sem er reyndar í fallsæti en þetta hlýtur að reddast hjá gæjum.

Fór á Doors tribute tónleikanna í gær á Gauknum og þar var mikið fjör og mikið gaman mjög vel spilandi þessir menn og aðrir tónleikar í kvöld myndi pottþétt fara ef ég kæmist ef að einhver doors aðdáandi les þetta fyrir níu í kvöld þá hvet ég sá hin sama til að drífa sig því að betri skemmtun finnst ekki þeir tóku nánast öll bestu lögin í gær...



9.8.04

|
Liltla husmodirin

Posted by Hello

19.7.04

|

Come on Eileen! 

Sumarið hleypur yfir á ofurhraða þarnæsta helgi er verslunarmannahelgin hólý mólý og skólinn dettur inn svona í beinu framhaldi. Þetta er alltaf sama sagan en veturinn verður áhugaverður þar sem ég mun hýrast kvennmannslaus hér í einhverju koti í rvk því að konan heldur utan um miðjan september, höfuðmarkmiðin mín eru að brillera í skólanum og koma mér í dúndurform líkamlega... það er allt og sumt. Það er annars allt í dúnalogni bara og ég held að það sé svoleiðis hjá allflestum en lognið er samt nauðsynlegt inn á milli... Er farinn út í semi-góða veðrið sem er í gangi núna. Have a good one y´all 

P.S. litla frænka mín er 4 ára gömul og yngri systir mín er að passa hana því það er tveggja vikna frí á leikskólanum og haldiði að daman vaski ekki bara upp og búi um daglega! Ég var að fylgjast með henni og hún kann actually að vaska upp, gerir það bara vel... Litla húsmóðirin

10.7.04

|

As it turns out... + tvær auglýsingar 

Já as it turns out þá hef ég verið ansi lélegur að blogga... ekkert í heila viku en það eru góðar og gildar ástæður fyrir því. Hef nefnilega verið rvk allt vikufríið og gert ýmislegt sniðugt þar með minni heittelskuðu sem er farinn að harka í hagkaup í vesturbænum. Látum okkur sjá... Keypti loksins bíl Toyota Carina E "Classic" nítjánhundruðníutíu og sjö módel með því fagra númeri MK-033, fékk hana í Toyotu umboðinu og m.a.s konfektkassa í kaupbæti, veit ekki hvort það var vegna góðmennsku þeirra eða heimsku minnar sem bifreiðakaupanda. Þetta er annars hin ágætasti bíll bara fagurgrænn að lit. Síðan skoðuðum við nokkrar íbúðir í bænum, er farinn að hallast að því að ég verði í bænum í vetur, meika ekki að aka á milli.
Fór út að borða einn daginn í vikunni á veitingastaðnum Aski Suðurlandsbraut 4 og ég held svei mér þá að það sé uppáhaldsveitingastaðurinn minn af þeim sem ég hef prófað alltaf góður matur þar, salatbar og súpa dagsins fylgir öllum aðalréttum þar og ég er ekki mikill súpukall en súpurnar eru hreint afbragð og salatbarinn með öllu sem gæti hugsast og síðan einhverjum gourmet brauðum sem eru sælgæti. Ég fékk mér fisk og daman BBQ kjúkling bæði mjög gott og síðan fyrir þá sem hugsa um peninginn þá er verðið ekkert að klikka, þetta allt saman á eitthvað aðeins meira en 4000kr. Mæli eindregið með þessum stað.
Síðan fyrst að ég er farinn að plögga þá vil ég líka segja frá sápubúðinni Lush sem er í kringlunni og stendur til að opna á fleiri stöðum. Þar fæst sápa sem heitir Karma og svei mér þá manni langar í sturtu 2svar á dag bara til að nota hana nammi namm bara, hún er til s.s. sem líkamssápa og sjampó og er það besta og síðan þegar maður er búinn að prufa eitt þá prufar maður annað, ég er núna kominn með raksápuna frá þeim Razorantium og hún er frábær líka... Mig grunar að vörurnar þeirra séu allar snilld. Þetta er sansað úr náttúrulegu dótaríi allt saman hallelújah næst þegar þið farið í bæinn kaupiði þá Karma sápuna og sjampóið líka ef þið viljið en allavega sápuna og prufið hana og farið síðan út að borða á Aski og ef að það er eitthvað skotsilfur afgangs kaupiði þá Toyotu bifreið í umboðinu því að konfektið er rosagott líka.
Friður sé með ykkur og góða skemmtun á Írsku dögunum því að ekki skemmti ég mér mikið á næturvakt í álverinu góða...

This page is powered by Blogger. Isn't yours?